హాజరైన ఉరుమడ్ల హైస్కూల్ 2005-06 బ్యాచ్‌ 10వ తరగతి పూర్వ విద్యార్థులు
చిట్యాల, ప్రజానేత్రం, నవంబర్ 10: మండల పరిధిలోని ఉరుమడ్ల జిల్లా పరిషత్తు ఉన్నత పాఠశాల 2005-2006 విద్యా సంవత్సరంలో 10వ తరగతి చదివిన పూర్వ విద్యార్థుల ఆత్మీయ కలయిక ఆదివారం రామన్నపేట మండల పరిధిలోని జనంపల్లి రీసార్ట్ లో ఘనంగా నిర్వహించారు. ఈ సందర్భంగా 2005-2006 విద్యా సంవత్సరంలో టెన్త్‌ చదువుకున్న పూర్వ విద్యార్థులు అపూర్వ కలయికను నిర్వహించి పాఠశాలలో వారి పాత జ్ఞాపకాలను గుర్తు చేసుకున్నారు. విద్యార్థులు ఒకరిని ఒకరు కలుసుకొని వారి వారి కుటుంబాల పరిస్థితులను, యోగక్షేమాలను అడిగి తెలుసుకున్నారు. ఈ పాఠశాలలో విద్యను అభ్యసించిన రోజుల్లో గత స్మృతులను నెమరు చేసుకున్నారు.
పాఠశాల స్థాయి విద్యను అభ్యసించిన రోజులు ఎంతో విలువైన రోజులని ఈ సందర్భంగా పలువురు పూర్వ విద్యార్థులు తమ మనోభావాలను వ్యక్తపరిచారు.18 సంవత్సరాల తర్వాత ఈ పాఠశాలలో తమ విద్యార్థులను తోటి ఉపాధ్యాయులను కలుసుకోవడం ఆనందంగా ఉందన్నారు. అనంతరం ఉపాధ్యాయులను విద్యార్థులు ఘనంగా సన్మానించారు. ఈ కార్యక్రమంలో పూర్వ ఉపాధ్యాయులు రవీందర్, అంజయ్య, శ్రీనివాస్, నర్సిరెడ్డి, కస్తూరి లతో పాటు విద్యార్థులు నాగరాజు, విష్ణు, లింగస్వామి, వెంకటేష్, సత్తయ్య, మహేష్, నాగిరెడ్డి, కరుణాకర్, వరలక్ష్మి, కిరణ్, నరేందర్, స్వప్న, నాగరాజు, శ్రీనివాస్, రామస్వామి, శంకర్, నరేష్, ఝాన్సీ, సంతోష, వరమ్మ, మహేందర్, జానయ్య, మల్లేష్, అనూష, స్వాతి, రోజా, జ్యోతి, రాధ తదితరులు పాల్గొన్నారు.
