కుత్బుల్లాపూర్, ప్రజానేత్రం, సెప్టెంబర్ 12: నియోజకవర్గంలోని రంగారెడ్డి నగర్ డివిజన్ పరిధిలోని నందా నగర్ లో నిర్వహిస్తున్న శ్రీ లక్ష్మీ భూలక్ష్మి సమేత శీతలాంబ బొడ్రాయి ప్రతిష్ట మహోత్సవానికి మంగళవారం ఎమ్మెల్యే కెపి వివేకానంద్ ముఖ్య అథితిదిగా పాల్గొని ప్రత్యేక పూజలు నిర్వహించారు. ఈ సందర్భంగా నందనగర్ బస్తీ వాసులకు బొడ్రాయి పండుగ శుభాకాంక్షలను తెలుపుతూ, బొడ్రాయిని ఊరి గ్రామ రక్షకుడిగా కొలుచుకుంటాము, ఊరంతా సంతోషంగా ఉండాలని, ఎటువంటి అరిష్టాలు, ఆటంకాలు జరగకుండా ఉండాలని ఆయన ప్రార్ధించారు. ఈ కార్యక్రమంలో నందా నగర్ సంక్షేమ సంగమ్ అద్యేక్షులు కార్తీక్ గౌడ్, హరి బాబు, నర్సింగ్ రావు, ధర్మ రావు, రాజేష్, శంకర్, దాసు, మధు, శివ, సాయి, లక్ష్మణ్, అనిల్, నందనగర్ బొడ్రాయి కమిటీ సభ్యులు తదితరులు పాల్గొన్నారు.
